Hindi ito ang kwento

 

Hindi ito ang kwento ng taksil na kahapong tila ayaw kang lubayan. Hindi ito ang kwento ng ngayong nagmamadali at tuliro. Hindi ito ang kwento ng di-madalumat at walang-katiyakang bukas. Hindi ito.

 

cartoon image of chivalry

Hindi ito ang kwento ng pagiging magiting o pagiging mahinhin/ esquire.com

 

Hindi ito ang kwento ng mahiwagang pag-ibig na nagbubukas ng sari-saring pintuan. Hindi ito ang kwento ng pag-asang naaninag sa kawalan at handang suungin ang lahat ng pagsubok. Hindi rin ito ang kwento ng sinungaling na pagkakataong nag-aalok ng nilubid na pangako. Hindi ito.

Hindi ito ang kwento ng di-inaasahang pagtatagpong gumuguhit ng ngiti sa nagulat na mukha. Hindi ito ang kwento ng magkataliwas na daang nagkasalubong sa makipot na sulok. Hindi ito ang kwento ng pagbabalik matapos ang kaytagal na paggagalugad at paglimot. Hindi ito.

 

Hindi ito ang kwentong may umpisa, may gitna at may wakas. Hindi ito ang kwentong nagsimula sa kaguluhan at nagtapos sa pagkaayos ng mga salansan. Hindi ito ang kwento ng bigo at lupaging lumaban, upang  sa dulo ay magtagumpay. Hindi ito.

Hindi ito ang kwento ng mahigpit na sitwasyong nalabanan o ng maigting na emosyong nalupig. Hindi ito ang kwento ng nilalang na walang lugar sa lipunan. At hindi rin ito ang kwento ng lipunang tinalikuran at pinabayaan ng kanyang mga supling. Hindi ito.

Hindi ito ang kwento ng paglalakbay o paglalayag, hindi rin ito kwento ng masalimuot na paghahanap ng kasiyahan at aliw. Hindi ito ang kwento ng paglayo o pagtakas o kaya ay pagtugis. Hindi ito ang kwento ng paniningil o paghihiganti. Hindi ito ang kwento ng pagkatagpo sa naligaw o nalihis. Hindi ito.

 

Hindi ito ang kwento ng pagkatunton sa mga bakas na maghahatid sa kinaroroonan ng pinaghahanap. Hindi ito ang kwento ng pagtatagisan ng magkatunggali o  ang kwento ng maliit na nagpatumba sa malaki. Hindi lalo ito ang kwento ng tuksong di-napaglabanan. Hindi.

Hindi ito ang kwento sa pagkatuklas ng mga lihim  o pagkalulong sa mga dapat iwasan. Hindi ito ang kwento ng pag-angat sa buhay o ng mabigat na pagpapasya. Hindi rin ito ang kwento ng pagkawasak o pagtatangkang buuin muli ang nasira. Hindi ito.

Hindi ito ang kwento ng pagpapalit ng anyo o pagbabago ng pananaw at buhay. Hindi rin ito ang kwento ng karanasang nagpagulang sa tao at nagbigay sa kanya ng bagong pagpapahalaga. Hindi ito ang kwento ng bawal na pinilit pa ring makuha. Hindi ito ang kwento ng pag-aalay ng sarili para sa katarungan o paglaya. Hindi ito.

 

Hindi ito ang kwento ng lambong ng takot na buong-loob na napangibabawan. Hindi ito ang kwento ng walang pag-iimbot na pagbibigay ng awa at pag-unawa. Hindi rin ito ang kwento ng hidwaang naresolba sa katapatan ng mga damdamin sa angkop na panahon. Hindi ito.

Hindi ito ang kwento ng mga balakid na nalampasan. Hindi ito ang kwento ng mga suliraning nahanapan ng akmang katugunan. Hindi ito ang kwento ng salungatang natapos sa tawanan sapagkat wala naman palang pinagtatalunan. Hindi ito.

Hindi ito ang kwento ng pagpapatawad matapos ang laksang dusa at pagkalito. Hindi ito ang kwento ng pagpupunas ng luhang bumalong ng tila walang patlang habang impit ang paghagulhol. Hindi ito ang kwento ng pagyayakap at pag-uunawaan o  pag-aabot ng kamay para magkasamang harapin ang sikat ng araw. Hindi ito.

 

Hindi ito ang kwento ng pagkatalos sa mga aral ng sandaling pinalampas o sinayang. Hindi ito ang kwento ng pagkabatid sa kahalagahan ng pagsusumikap at pagpupunyagi. Hindi ito ang kwento ng pananaig ng mabuti sa masama. Sana nga… Pero, hindi ito.

 

Hindi ito ang kwento. Sapagkat ang totoo, pana-panahong nauubusan ng maiikwento…  ^_^

 

cartoon image of modern-day chivalry

Pana-panahon, gusto nating nakakarinig ng kwentong luma pero parang bago/ barryscartoons.com

 

Ikaw, ano ang kwento mong hindi naman talaga? 😉

 

42 thoughts on “Hindi ito ang kwento

    • kwento away, Ms. S…the right words, the right mood and the right tone will find you along your writing journey, sabi… wala naman yatang maalam agad sa umpisa. salamat ho sa pagdaan at sa pag-appreciate.😉

    • hala, pasensya na, Banjo, sa spam tumuloy ang comments mo. buti na lang, umabot ang rescue team…😉 hala, ito ay mga sabi-sabi ng aleng naubusan na ng maiikwento, kung anu-ano na lang, hihi… salamat ng marami sa appreciation at sa pagdaan uli ~ San (pwede ring Ate San, maski alin)😉

  1. hindi ito yung kwento na ikukwento ko.. hindi ito yung yung kwento na inaasahan ko.. hindi ito yung kwento na ikinuwento ng kapitbahay naming mahilig magkwentong barbero.. hindi ito yung kwentong may kwenta.. teka.. ano nga ba yung kwento? eheheheheh… miss you san!!! *kaway kaway*

    • ellow, Pot… ei, how about kwentong kutsero? kwentong lakwatsero? kwento sa mga kanto-kanto? kwentong pampahilo? kwento-kwento nyo noon, no’ng kayo’y gala pa sa Recto? ahihi… ^^

      tamo ‘to, ngangayon nagpakita, sabay sabing miss you, kwentong barbero yan no? hehe… nag-dinner ka na, kapatid? kaway-kaway… na-miss ko ang gravatar mo, saan ka nagsusuot?😉

      • ahahahahha.. sige.. subukan kong ikwento ang gala ko sa recto at yung mga panahong nahoholdap pa ako.. ehehehehe

        uyy hindi na ako kwentong barbero ngayon ah.. tagal mo rin kasing nawala sa sirkulasyon kaya ko sinabing na miss kita…

        dito lang ako.. pagala gala.. dami lang trabaho sa opisina kaya bibihirang makabisita.. kaya kung bibisita ako, sabay sabay.. ehehehe

        *kaway kaway* hello san!! good morning sa iyo!!

      • hello, Pot… oo nga, di na ako nakaka-bloghop, two weeks na yata, pasensya na…^^

        aantayin ko ang kwentong Recto mo, makalaglag silya siguro ang mga yon, haha. may mga naisulat na akong formal essays about Recto, tamang-tama, mai-revise pagkabasa ng misadventures mo roon, hehe… be happy, Pot. regards…😉

      • ok lang yan.. ang mahalaga eh ok ka na ngayon… mabuti yan…

        ikwento ko ba yung mga panahon na nanonood akong ng sine mag-isa at ilang beses naholdap at nadukutan? ehehehehe.. sige, subukan kong tagpi-tagpiin ang mga mapapait na ala-ala.. ehehehehe.. *kaway kaway* hi san!!! keep smiling!

      • hala, maigi-igi ng kaunti, hehe. salamat, kapatid…

        oo, wento mo ‘yon. pero isama mo ‘yong bumili ka muna ng kulay orange na itlog at samalamig, bago ang lahat, ahaha. aantayin ko ang makukulay na alaala ng iyong pagiging lagalag. hihi, exciting…

        gandang araw sa iyo, Pot. keep smiling din…😉

  2. hindi ito ang kwento, ito malamang ay patalastas ng maraming ideyang nakalatag… abangan?? hehehe..

    gandang araw saliw…
    salute!

    • hihihi… kakatuwa ang comment mo. hala, naisip ko lang yan, minsang naglalakad papunta sa bilihan ng siomai. may nire-recall akong plot ng movie tapos since failing , errr, flailing about na ang memory ng lola mo, nasabi ko sa sarili, “Eh, di naman ‘yon ang kwento no’n.” ayon…

      hala pa, sana nga, maging masipag ako sa mga darating na araw at makapulot from the post, mai-develop into a kwento, haha. salamat sa pagdaan at pagbabasang maigi, ha. i appreciate it…😉 gandang gabi…

    • hihi, makulit? pasensya naman, paminsan-minsan lang po. ahaha, pansabayang bigkas? nyehehe. salamat, nagagalak ako pag nakikita ang gravatar mo, kapatid. hey, i still owe you, naman… ^_^

      happy weekend sa inyo ni manong. cheers lagi…😉

  3. tama ka hindi ito kwento..
    kundi isang pasakalye ng mga plot na pwede mong paglaruan.. hahaha..
    at kung tutuusin, bawat paragraph ay may sariling kwentong aabangan ko dito… magandang araw saliw…

    • ahaha, sabi ko nga, hindi nga kwento…😉 hello, lipadlaya. ang galing mow, kapatid. nakuha mo – plots sila, hanupangaba… hala, ba’t may abang-abang? walang gano’n, nagsi-share lang ang lola mo ng ano’ng mga pwedeng isulat… kayo kaya ang magsulat? ahaha… ^^

      hey, napanood mo ang movie na far and away, starring tom cruise and nicole kidman? frontier story sya… iyon ang naalala ko do’n sa part ng post na magkahawak-kamay para harapin ang sikat ng araw. ayon lang, hehe… magandang hapon at regards. salamat sa pagdaan, kapatid…😉

    • haha, table of contents ka ryan… hi, bagotilyo… ahaha, wala akong ipinapangako with this post, naman… basta, sinabi ko na kay cupnoodles sa itaas ang background ng post- sa pagka-adik sa siomai. yown … ikaw ang magsulat ng marami at madalas, ha… have a good weekend ahead…😉

  4. Pingback: may mga paborito | doon po sa amin

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s