May kaluskos, may lagaslas at may lantay na di-mawawaang ingay. May nagsasapawan, may nag-uunahan at may nagsasalimbayan. Nakabibingi.
May dumadagundong, may dumadaluyong at may sumasadsad. May gumuguhit, may sumusugat at may gumugurlis. May sumasargo, may bumubuhos at may tahimik na dumadaloy.
May gumigibik, may nanangis at may nagngunguyngoy. May nakikiusap, may nagmamakaawa at may nananalangin. May sumisigaw, may humihiyaw at may nagpapapalahaw.
May dumaraing, may humihiling at may tila nangingilin. May humihimig, may naghehele at may marubdob na umaawit. May nagtutungayaw, may pumupukaw at may nag-aapoy ang bitaw.
May matinis, may mababa at may katamtaman. May gumagaralgal, may nag-aantabay at may sumasalipawpaw. May paputul-putol, mayroong tuluy-tuloy at may tila nanghihingi ng abuloy.
May mabini, may malamyos at may malambing. May parang nandadagit, may tila lamang paningit at may pabulong ang banggit. May nanlalandi, may nanlalansi at may simpleng nananaghili. May nakayayamot, may nagpapalimot at mayroon ding nagpapatulog.
May kapos, may paos at may kung bumigkas ay tagos. May nangangapa, may naninimbang at mayroong may katiyakan. May parang inaanod, may tila nakalulunod at may waring nag-aalis ng pagod. May nagdadala ng hapis, mayroong singlinaw ng batis at may nagpapabaon ng tamis.
May kaiga-igaya, may kahali-halina at may kaaya-aya. May nag-aanyaya ng pagtalima, may humihikayat magpakumbaba at may humihimok na mag-aklas. May nanlilinlang, may naggagahis at may nananakop. Mayroong ang dala ay ligalig, may tila payapang hangin ang hatid at mayroon ding puno ng himig ng pag-ibig.
May babagtas sa dawag, may susupil sa tanan at mayroon daw, gagawa ng bagong bukas. May maghahati, may magdadala ng pighati at may sasalikop sa mga damdaming tuliro, watak at sawi. Alin kaya ang magwawagi?
Tinig – tunog na galing sa loob. May saysay, may salansan at may palaman. Gagamitin ng nilalang para magpahayag, magpaabot at maghatid ng pang-unawa sa loob at sa kapwa.
Kailan kaya – diwa at tinig ay magsasanib? Kailan matatanggal ang bikig? Malaki ba ang maitutulong ng bibig o ng panitik? Kakayanin bang humimig sa gabing walang katarungan, pusakal at pusikit?
Nasaan ang tinig na maghahatid ng lugod at kapayapaan sa mga damdaming pinaglayo at nasasabik? 😉
shaks, may nag-like na… salamat, kapatid! (di pa nai-edit, ahaha). regards sa ‘yow… 😉
baka naka-pikit din siya nung nag-layk…hihi..
ako tinakpan ko tenga ko ngayon when I pressed layk… Joke! 🙂
hihi, malamang nga… btw, nasa ibang time zone si fancy face, mulat sya no’n, whehe. hinahanap ko nga site nya uli, di ako makabalik doon ay magaganda pa naman posts nya… ^_^
alam ko ba’t mo tinakpan – nabingi ka? hihi, sinadya kong lagyan ng libong sounds para i-test ang eardrums mo, hoho. joke. 😉
Good luck sa entry mo 🙂
Gandang umaga…
salamat, kapatid. feeling ko, di na abot. basta maka-suporta lang.
good morning and have a good day ahead! 🙂
san mo ba kinukuha ang mga salita mo? SOBRANG galing mo talaga, at ang istilo, Saliw na saliw!!!
Good luck sa atin!!
ah, dyaan sa tabi-tabi, sa mga suluk-sulok. tomo, dami ro’ng sights and sounds… 😉
salamat ng marami, lipadlaya. btw, shortly after midnight na na-post,e. suporta na lang… good luck sa entry mo at sa entries ng iba pang kalahok. 🙂
Husay! Wala na akong ibang naisip pang sabihin, ipagpaumanhin!
Salamat, ang ganda rin kaya ng akda nyo, natandaan ko… salamat sa pagdalaw at good luck sa patimpalak. 🙂
Sumasaklaw sa pangkalahatang kahulugan ng TINIG! mahusay! magaling! palakpakan!
salamat sa pagdalaw, sa pagbabasa at sa papuri, kapatid. gladly appreciated… 🙂
good luck sa iyong lahok sa patimpalak. 😉
eh kung naghahanap sila ng magaling eto oh.. ka galing…may sariling istilo hindi pangkaraniwan… ikaw na ate ko 🙂 suportahan kita 🙂
hihi, salamat, kapatid. ikaw na ang sister kong laging naka-suporta. ahaha, wala sila nyan. kahit nasa malayo, come to my aid pa rin. thank you, dear. mwah!:)
kahulihan ito sa nabasa ko para sa kamalayang malaya.
para sa akin panalo lahat..
maraming salamat po pala sa inyong pagbisita. 🙂
hello, Banjo! at naligaw ka rin dito, salamat sa patimpalak ng wagas na si kulisap. ^^
no problem, dati pa kitang binibisita at dati ka ring nagbabasa sa lumang site ko, ahaha. kumusta? 😉
Pingback: KM3: TINIG | Kayumangging Damdamin
Nakakalunod ang mga salitang ginamit. Pwede ko bang gawing isang awit ang iyong Tinig?
anla pa naman… salamat, Lolo. hwag kayong magpapakalunod, words laang ‘yan. 😉
pwede ho naman, my pleasure. ay, kakarami dyaang mas mahuhusay humabi at humimig. teynks.:)
sabi na ang ganda sumulat!!!! idol!!! ^_^
salamat!!! shaks, hwag gano’n… 😉 teynks, kapatid. ^^
next time di ko na kailangan mag hagilap ng mga katagang hango sa kalipunan ng “taal na tagalog” na anyo nga wika.
mangongopya na lang ako sayo sis! 😛
shaks naman talaga! So deep! 🙂 🙂 🙂
anla pa, haribon. may ire-recomm akong sites sa ‘yo for malalalim na tagalog – kay lipadlaya, kay alimbukad saka ‘yong isa, yong tatay na taga-rizal. ayon, pramis ko sa ‘yo, kakawindang ang mga tagalog words do’n, hihi. 😉 doon ka mag-aral, as in… ^^
salamat sa pag-appreciate at sa sangkatutak na smileys. 🙂
nosebleed ako..
grabe ang lalim ng mga tagalog. pero magaang basahin . masarap ulit ulitin..
mahusay na mahusay.
sayang at hindi umabot.
‘yan ka na naman, kailangan ka bang dalahin sa clinic o papatingalain lang saka panyo? hoho 😉
ayan, may papuring bawi. yon, yon ang maigi, hihi… oks lang, supurtahan si kulisap, yehey! 😉
akala ko dati sa english lang ako pwede mag nosebleed. amp. mahusay.
ah, nagkakamali ka ryan. ang hirap kayang subject noon ng Filipino? nangamote ako, as in… dito sa blog bumabawi, ahaha. salamat sa pag-appreciate. 😉
Napakahusay. Walang pagdududa.
naks, gusto ko ‘yong tunog na parang may conviction, whohehe. salamat. 😉
nanghihinayang ako na hindi ito umabot sa tamang oras. ang ganda talaga ate san.
🙂
hekasi nga, kumuha pa ako ng shoes sa repair shop, haha, at may iba pang errands. 11 past na ako nakaupo para magkabit-kabit ng sentences, shaks na ‘yan. ayos lang, na-publish din naman. 😉
hang lalim lalim san!
syempre magbabackread na naman ako hahaha
hang lalim, tapos?… 😉 sya, kill me now, haha ^_^
backread talaga? 😉 gow! 🙂
oo, kill me now! hahaha
now, you sound happy, why would i do that? 😉
Para akong nagbasa ng talasalitaan sa lalim. Tunay na mahusay. Makapukaw-damdamin ang paghahabi ng mga salita. Ang aking pagbati ngayon pa lamang. At higit sa lahat… Hihi 🙂
ahaha, alin-alin ang malalalim? lagaslas, lantay, gumugurlis, gumigibik, sumasalipawpaw, hapis, kaiga-igaya, pagtalima, nanggagahis, dawag, susupil, tanan, pighati, tuliro, pusakal at pusikit – ang mga ‘to? 😉 kaya mo ang mga ‘yan, kapatid. ‘yong dawag at tanan lang talaga ang malalim, hihi. 😉
Ang dami palang klase ang tinig nalula ako sa lalim ng mga salita, makapag bonamine nga! 😀
hala, ang iba ay sounds lang. ang iba’y noise. kailangang i-sort para ma-distinguish ang tinig… hehe, nahilo ka? 😉 hello, WP.
hinuhukay, binubungkal, sumisisid…….ang lalim kasi ng mga salita mo kapatid 🙂
ahaha, naghanay lang at nagbaybay… 😉 oo na, kasalanan ko na, kapatid, whoho. 😉
Penge ako tissue Ate San! Super nosebleed ako oh.
Ang galing! Ang husay! Ang tindi! Ang lupit! 😉
ire ang tissue, kapatid, kunin mo na ang isang box, whehe. salamat, sister, sa pagdaan. 🙂
practise lang, sounds and rhyming. ang lupet ng exclamation pts., oh… labley! 😉
hahaha hindi ko alam na may patimpalak na palang nagaganap. buti na lang hindi ako nakasali, kundi, olats ako malamang haha
goodluck ate san!!
weh? di ba kita nasabihan? on the other hand, ikaw nga kapatid ang iniisip kong makakagawa ng unexpected composition sa mga ganyang pagkakataon. yong pagsusulat mo, madalas ay impormal lang pero may variety, may range and maraming potential, ayan naman. di nga… 🙂 teynks, di na ito kasali sa pagkaalam ko, support na lang. 🙂
Nagblush naman ako doon Ate San 😉 haha!
Happy Saturday!
😉 😉
As always, ang lupet talaga ng mga posts niyo! 🙂
hala, sana ako na lang ang malupet at hindi ang posts ko, whehe. 😉 salamat. 🙂
E ika nga po, no need to state the obvious, hehehe. Given na pong isa kayong malupet na writer, technical man o literary! 🙂
ngih! nagmukha bang fishing for compliment? kakahiya. what i meant was, di ako singtapang ng mga sulatin ko, as in… happy weekend uli, singkamas. maggawa ka ng posts, ha? wala na akong ma-backread sa may inyo… 😉
Ah, no worries, Ate San! Hindi yun compliment, hahaha. Kidding. Of course, it is. 🙂 Happy weekend rin po. By the way, may bago po akong post, di nga lang sa banaag. Andun po siya sa kabila, dun sa photoblog. Baka gusto niyo ring dalawin, hehe, if you haven’t already. 🙂
haha, i know somebody could be cruel… nasalubong ko ang comment nya re: carotid artery, alam mo ‘yon? i’ll visit your site at maghahasik din ako ro’n ng lagim, errr, compliments pala, hihi. 😉 cheers!
ang galing nio!… as in… ang mga ginamit na salita’y sadyang nakakabilib….. dapat nilahok nio ito… 😀
salamat, shyvixen. hala, nahalungkat ko lang ang mga yan sa kung saan-saan, hihi. ^_^
hala, oks na ring hindi. suporta na lang. salamat sa pagdalaw. 🙂
ate san, sayang.. ganda nito.. nalunod lang ako sa lalim.. helppp 😀
ay, salamat sa pagdaan at sa appreciation, kaydee girl. ay, sus, buti na lang at kasama mo si batman, may sumagip sa ‘yo, whehihi. hello! 😉
hahah! oo nga pla buti nlng ksma ko c batman yhieyyyy
elow din ate san 🙂
oo,e, si beefy na batman, hihi. btw, sa HK Disneyland ba kinunan ang pic mo? doon ako nakakita nyang lifesize na superheroes…^^ yellow!;)
Clap..clap..for this one gurl..keep it up…;-) mabalasik, mabagsik at may dikit ang bawat panitik..
haha, salamat, Myr… nagbaybay din? ikaw na… happy Sunday. 😉
walang anuman..sayang isang oras ko bago na laman, nakasali sana..hehehe..goodluck ulit..
haha, oo nga e. one hour before deadline din lang ako gumawa kaya di na umabot as entry. support piece na lang ‘to. salamat sa well-wish. have a great week, myr. 😉
ala naman eh, naubos na yata ang mga kataga ng papuri, napakahusay talaga eh. ninamnam ko ng husto. magaling, magaling (commercial ata yun 😀
have a great week ahead, mabuti na laang at ako’y napasinsay sa iyong pahina. 😀
ahaha, salamat ho at naibigan ninyo. am glad at pumasa ‘to sa inyong panlasa. 🙂
have a great week din, Ms. S. salamat sa pagsinsay, pagdalaw lagi. 😉
Reblogged this on sjanima and commented:
sana ang aking nakukubling tinig na may pagsamo at kumukurot ay muling marinig 😀
Kaninong tinig ang pakikinggan? Mas masarap siguro kung tinig muna mula sa loob hanggang sa unti-unti nang dinidinig ang tinig sa labas. Kahit malapit na malapit na ang tinig sa loob, tila ito ay huni ng aswang- malayo at sinasadyang hindi pakinggan. Minsa’y guni-guni, minsan nama’y matapang na pinakikinggan. Ang minsan ay minsan madalas madalang…parang tinig. Iba-iba, gaya ng iyong isiniwalat.
Maraming salamat sa suportang ito, hindi umabot pero ‘yong maibahagi mo ang tinig mo ay panalo na po para sa akin. 🙂
Hala, kulisap, ba’t may tinig kang tila huni ng aswang sa loob? Pag ganyan, parang ayaw ko ring pakinggan, hihi 😉 Ah, ‘yong tinig na magdadala ng lugod at kapayapaan ang boto ko, haha, sa gitna ng sari-saring tunog, ingay at mga boses. Palagay ko, ang blogging ay isang paraan para palabasin ang ating kanya-kanyang tinig at sana, sa dulo, makabuo tayo ng nagbi-blend na himig.
Walang anuman. Ikaw na ang nangalampag sa kalagitnaan ng linggo tapos nagtataka ba’t kayraming tinig na nagsipaglabasan, ahaha. Sus, binola mo pa ako, tsos! 😉
Sana nga makabuo tayo ng nagbiblend na himig sa katapusan, kung hindi man para sa atin, eh di sa mga aswang, hahahaha, joke lang..para sa salinlahi kung may susunod pa…pwede ga ire?
bakit nambobola, labis akong naliligayahan sa inyong mga lahok. Ipinagmamalaki ko po eh.
talagang nangunguna lagi-lagi ang para sa aswang, ikaw na… 😉
hala pa, di ko naman halata pag mala-showbiz ang linya, hihi. 😉 kumustasa?
Kapag tag ulan sa amin noon, tag-inom na! lol
hala pa, ayon ang tag-ulan kay kiko! hello… 😉
Goodluck po para sa lahok mong ito. Hehe!
salamat, Capital G. support piece na lang ito. pero, salamat pa rin. 😉
Ang husay! *palakpak na may kasamang standing ovation*
AYOS! At ang sarap pakinggan/basahin ang mga malalalim na Tagalog na ginamit. Nakakamiss ang mga ganyang salita.
hey, batopik! kakaway lang muna ako sa ‘yo at kailangan kong umalis, ha. nakita ko na ang comments and likes mo, kapatid. mamaya na ako makaka-reply, pasensya na. salamat sa pagbubuklat-buklat dito. hope things are shakin’ dyan sa kinaroroonan mo. happy weekend… 😉
haha ayos lang po. kung ako nga sampung taon bago magreply e. hakhak. happy weekend din! God bless. enjoy enjoy XD
batopik, salamat uli sa dalaw at comments, ha. have a great week, kapatid. 😉
Pingback: Parang wala lang… | sasaliwngawit
Ayos naman po ako maraming salamat, kayo po? 🙂
Sa tingin ko, tama ang aking unang desisyon na hindi basahin ito dahil ito ay isang “kalapastanganan” para sa likha at sa inyo na rin po. sa totoo po ay hindi ko gaanong naintindihan ang inyong akda. hindi po dahil sa salita na inyong piniling gamitin ngunit siguro katulad ng sinabi ko noon ay medyo may problema ako pag dating sa sining. hindi ko alam, marahil ay dahil kulang pa ang aking kaalaman.
Marahil ay dapat hindi ako maghanap ng “ibang” ibig sabihin sa akda na ito at tignan na lang ito sa kanyang “face value” gayun pa man, hindi ako makakapag komento kung ito ba ay isang “maganda” o “hindi maganda” na akda sa dahilang hindi ko kayang gumawa ng ganito.
at dahil diyan, kailan kaya magsasanib ang diwa at ang tinig? marahil ay sa dulo ng bahaghari.
ahaha, hello, snake… ayos lang ‘yon. wala namang pilitan, kako nga… medyo malalim at pang-adult nga kasi ang content at method ng post sa itaas. pwedeng daanan mo lang at di na pansinin, pwede ring titigan at lapitan, at pwede ring huminto ka pa at magtagal at pag-isipan kung ano nga ba ang ipinapatungkol ng akda. nasasaiyo… ^^
eh, ang isang sining, nasasa tumitingin, ika nga. may sining na parang nag-aanyayang lumapit, may sining na nagtutulak palayo at mayroon ding parang nagsasabing dito ka lang, samahan mo ako. mga gano’n… ^^
oh, ayon naman pala, may sagot ka sa tanong ukol sa pagsasanib-sanib na ‘yan, haha. medyo imposible bang magkita at magtagpo ang ating consciousness at ating voice? ahaha, medyo philosophical, mapag-isipan nga… 😉 regards.
Ganoon na nga po, kaya nga po napasulat ako sa aking blog dati something like “Art is troublesome” sa kasagsagan noong brouhaha sa CCP. ngunit may naisip na kong bagong teorya kung bakit may problema ako sa “sining” at balak kong isulat ulit iyon sa aking blog pag sinipag.
Tama po kayo, ang sining ay nasa tumitingin. kaya siguro nahihirapan ako.
Philosophical? ah, kakain na lang ako ng maalat na kamote. hahaha, 😀
Pero dagdag ko lang, kaya nakakatuwa talaga ang kaisipan ng bawat tao sa mundong ito. “That’s what makes us humans” sabi nga siguro nila. regards din po sa iyo. 🙂