Ibang Silip sa Sta. Mesa

image of train lines where improvised trolleys ply their routes

Mahirap ihiwalay sa imahe ng Sta. Mesa noon ang riles/ yapakyakap.blogspot.com

Sa usual connotation, ang Sta. Mesa sa lungsod ng Maynila ay ang PUP, ang riles ng tren pa-Bicol at ang bottleneck ng traffic sa may bandang Stop & Shop. O, di kaya naman, ‘yong biglang-liko sa may V. Mapa, doon sa cluster ng motels and hostels, sa may likuan ng mga dyip galing Quiapo papuntang Pasig at galing Marikina, ikot sa Stop & Shop.

Ako, I’d go further and earlier, doon sa panahong ang PUP ay hindi pa unibersidad kundi mas kilala pa bilang Philippine College of Commerce o PCC. Noon, mas kilala ang Sta. Mesa bilang aliwan, hindi nga. Doon kasi sa isang strip ng Sta. Mesa, along R.M. Magsaysay, sa may bandang kinatatayuan ngayon ng Pureza Station ng LRT 2 at saka sa kabila nito, iyong kahilera ng NSO Statistics Board building, panay beer gardens at joints ang nakatayo noon. Hilera bale ‘yon ng patay-sinding ilaw, ahaha. Parang little Mabini Street? Ayon…

 

Noon ‘yon, noong ako’y bagong salta pa sa Maynila. Ang gaganda ng mga pangalan ng establishments doon sa strip na ‘yon, haha. Paano ba? Parang ‘yong nasa may Arayat sa Cubao, after ng MRT Cubao Station, may warehouse-type beer garden do’n dati – ang pangalan, Alibangbang. Parang mga ganoon ang pangalan nila, hi,hi… Saka, talagang kaleidoscopic ang itsura ng mga inuman noon sa R.M. Magsaysay. Literal na may patay-sindi, ahaha. Maliliit lang sila, parang hole-in the-wall types, pero sunud-sunod, kabit-kabit…

Tapos, at almost anytime of the night and even day, may makikita ka roong mga lalaking lango, parang mga wala pa sa huwisyo. Pero noon, wala ka roong makikitang bar girls na nasa labas. Siyempre, teenager pa lang ako noon, curious akong makita kung ano ba ‘yong pinapasok ng mga parokyano, haha. Walang nagtatawag sa labas, bale. Unlike sa Mabini St. na nasa labas ang mga babaeng naka-mini, naka-display ang mga hita at dibdib, doon sa Sta. Mesa, hindi. Nasa loob lamang ang entertainers. Hindi ko lang alam kung discreet ang conduct ng business nila roon, ahaha. Anyway, ganoon dati ang ambience ng Pureza, mahigit 20 taon.

 

Tapos, ang isa pang stereotype sa lugar ng Sta. Mesa, iyong NDC compound, yong area mismo sa likod at tabi ng PUP building sa ngayon along R.M. Magsaysay. Squatters area iyon noon at pati rin yong kalsada bago at pagkatapos ng PUP Main gate – isang mahaba at magkaharapang stretch ng pinagtagni-taning shacks o kubol, sa Tagalog.  Ang itsura noon dati, talagang high-density informal settlers area, kung pagagandahin natin ang tawag. Kabit-kabit na improvised na mga bahay, ang daming bata sa kalye at susme, ang daming sinampay, haha.

 

Ganoon yata nakaukit sa marami ang imahe ng Sta. Mesa – matao, masikip, magulo and in a sense, malaswa. May sangkatutak na squatters, sandamakmak na kainan sa gilid-gilid ng kalsada at maraming kapira-kapirasong food cart business, kumbaga. Sa personal experience, dyan ako sa Sta. Mesa nakaranas na ma-snatch-an ng sunglass at saka sombrero (hat, may isang panahon dating nauso ang pa-cute na saklob sa ulo), habang suot ko mismo, haha. Nasa loob ako no’n ng dyip at walang nagawa ang bagets kong kagandahan kundi magulat sa bilis ng mga pangyayari – pati pala sombrero, ninanakaw din? Apparently, sa Sta. Mesa, oo.

Kung meron mang isa pang tumatak na simbulo ang Sta. Mesa, ito siguro ay ang Fernando’s. Kilalang supermarket ito noong araw, in existence for several decades, ahaha. Ang pwesto nito, doon sa kinatatayuan ngayon ng Mighty Mart at Jollibee sa kantong-kanto, likuan ng dyip papuntang Pasig. Maraming taga-Maynila ang nakakaalaala nito. Hindi ko  lang alam kung dahil ba sa Fernando’s kaya tinawag na Stop and Shop ang kantong iyon ng Sta. Mesa, gayong ang pangalan talaga ng kalyeng iyon ay Old Sta. Mesa. Yown…

 

Matagal-tagal na rin. Nagkaroon na ng LRT Line 2 at inalis na ang beer joints sa strip na ‘yon bago mag-Vicente Cruz pag galing kang Cubao. Nagbawas rin yata  ng mga residente sa NDC compound, pati sa kalye bago dumating sa PUP at pagkatapos nito, in preparation ‘yon sa pag-a-upgrade ng facilities and service lines ng PNR. Inalis, bale, ang informal settlers sa may riles ng Sta. Mesa. Dati, ang dami pa namang nagawang tv features tungkol sa trolley o improvised trensikel sa riles, isa sa mga patunay ng ingenuity ng mga Pinoy, ahaha.

Medyo nagbihis na rin ang nasabing lugar. Ipinagawa ng City Hall ng Maynila ang maraming sidewalks sa area, nagkaroon ng espasyo para lakaran. Nilagyan ng mga ilaw ang sidewalks at unti-unti, ang mga dating improvised business centers papuntang PUP – may xerox service, pa-type-an ng papers, computer shops at mga kainan –  giniba, pinalitan at ni-rebuild to give way sa mga concrete, low-rise buildings sa Teresa Street sa Sta. Mesa.

Ang mga building na ‘yon, karamihan ay commercial shops sa ibaba hanggang second floor tapos, boarding houses naman sa itaas. Iba na sila kaysa sa dating mga upahan  ng estudyante sa lugar. Dati, mga lumang wooden-type houses ang mga iyon, nilagyan lang ng partitions. Iyong residences na kailan lang itinayo, konkreto na ang structures and in a sense, medyo spruced up na, kumbaga.

 

Sa Stop & Shop area, dumami ang branches ng iba’t ibang bangko, maging ng pangunahing kompanya ng botika at ilang fastfoods din ang itinayo roon, may Chowking at iba pa. Over the years, dumami rin ang franchised beauty parlors. Sentro pa rin ang lugar ng pinakamurang computer, printing and photocopy services. Ang sabi-sabi, lahat daw ay kayang pamurahin at gawing affordable pag sa bandang PUP, naman.

 

image of Stop &Shop signage in Sta. Mesa, Manila

May parte ng Sta. Mesang ganito, may parteng mas commercial na/ okayukay.blogspot.com

 

Pero ganoon pa rin ang ambiance ng Sta. Mesa – low-end, high traffic at ang bulk ng komersyo at movements ay umiikot sa pagkakarami nga namang estudyante ng PUP. Malalakas pa rin ang benta ng murang lugaw, murang burger at murang computer shops and gaming centers, ahaha. Idagdag pa ang mga tusok-tusok – kwekkwek, fishballs at kikiam – na ikinamangha ko kailan lang, kung paano na-sytematize ng vendors doon ang paggawa, packaging at pagbebenta, haha. Basta, standardized ang istilo, hindi simpleng cart na petty livelihood, ahaha. Parang sa mga palengke sa China ang sistema nila, akalain nyo.

Marami pa ring mga suluk-sulok doon ay amoy-ihi, kinumpu-kumpuni lang ang stalls o pwesto at luma pa ang mga kahoy at yerong ginamit, kundiman talagang in a state of disrepair o pagkabulok.  Ang dami pa rin ng mga lumang bahay sa lugar, mga tirahang panahon pa ng Kastila itinayo – kapis ang bintana, maarte ang pagkakagawa ng bungad at bakod, nilulumot ang mga pader (may karugtong).

 

8 thoughts on “Ibang Silip sa Sta. Mesa

  1. Alibangbang, Sitsiritsit, Paru-parong Bukid, Salaguinto…..hindi ito mga folk songs, kundi mga pangalan ng mga bahay-aliwan noon sa Sta. Mesa. Alam ko ito, hindi dahil sa pinasok ko ang mga ito, peks man. Patintero, jolens at tumbang-preso pa lang ang mga aliwan na alam ko noon.

  2. Inabot nyo ba ang paneros sa may tabi ng gasoline station bago umakyat ng tulay pa punta cubao ay yung honey sauna bath? mga 12 years old ako dun ako napa away kasi naki pag agawn ako sa pag silip sa mga masahista, may siga pala taga teresa ayun bugbugan kami ni ogag.

    • hello, cio… salamat sa pagkagawi rito. sana ay iniwan mo ang iyong link para nabisita rin kita…🙂 hala, di ko sigurado, kapatid. di ako matandain sa mga pangalan ng establishments. ang medyo tanda ko, yong malalaki – parang mga bodega sila, hihi. di ko sure kung nasalubong ko ang pubs/saunas na binabanggit mo. si dok pinoytransplant, baka alam nya – he is five years older than me yata, at taga-Maynila talaga so, mas pamilyar sya sa names, maybe… Merry Christmas!🙂

  3. Pingback: Ang lugar sa panulat | sasaliwngawit

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s